Orban takon Dodik: Hungaria s’e pranon dënimin e gjykatës

Kryeministri i Hungarisë, Viktor Orban, dhe ministri i Jashtëm Peter Szijjarto, u takuan të martën në Budapest me liderin serb të Bosnjës, Millorad Dodik, për të shfaqur mbështetjen e Hungarisë për të, tha Szijjarto në rrjetet sociale.

Dodiku ka lidhje të ngushta me Rusinë, e cila e ka mbështetur atë dhe ka theksuar se dënimi me një vit burgim dhe ndalimi i ushtrimit të detyrës për gjashtë vjet në Bosnjë janë të motivuara politikisht.

Orban, i cili ka marrëdhëniet më të ngrohta nga të gjithë liderët e BE-së me presidentin e Rusisë, Vladimir Putin, dhe është kundër sanksioneve të BE-së ndaj Rusisë, publikoi dy fotografi me Dodikun në faqen e tij në Facebook.

“Millorad Dodik, presidenti i Republikës Sërpska në Bosnje, është në Budapest. Presidenti Dodik është dënuar sepse nuk ka pranuar të pajtohet me kërkesat e Brukselit. Hungaria nuk e pranon këtë vendim”, tha Orban.

LEXONI GJITHASHTU:

• Trump kërcënon BE-në me tarifa 35%: Marrëveshja me Kinën pranë finalizimit
• Republikanët e Teksasit votojnë për të arrestuar demokratët