Fondacioni i Miqve të Kafshëve të Egra të Tajlandës (WFFT) tha se shëtitja me elefantë, të popullarizuar në mesin e turistëve që vizitojnë vendet e Azisë Juglindore, përbën abuzim me kafshët sepse trupat e elefantëve nuk janë përshtatur me aktivitetin.
- Advertisement -
Si ilustrim i këtij pretendimi, WFFT publikoi një foto të elefantit 71-vjeçar Pai Lin, të cilit iu deformua shtylla kurrizore pas 25 vitesh punë në fushën e turizmit, raporton CNN.
Ndonjëherë gjashtë njerëz hipnin në Pai Lin në të njëjtën kohë.
Menaxheri i WFFT Tom Taylor tha se shtyllat kurrizore të elefantëve zgjerohen lart, si njerëzit, dhe presioni i vazhdueshëm në trupat e tyre mund të shkaktojë dëmtime të përhershme fizike, të cilat janë të dukshme.
