Osmani uron Shqipërinë e Maqedoninë, kërkon liberalizimin e vizave për Kosovën

Presidentja e Kosovës, Vjosa Osman ka uruar Shqipërinë dhe Maqedoninë e Veriut për fillimin e negociatave me Bashkimin Evropian, duke thënë se përshpejtimi i procesit të zgjerimit për vendet demokratike të Ballkanit Perëndimor, është një domosdoshmëri.

“Urime Shqipërisë dhe Maqedonisë së Veriut për një hap më afër BE-së. Në këtë kohë përcaktuese, përshpejtimi i procesit të zgjerimit për vendet demokratike të Ballkanit Perëndimor është një domosdoshmëri. Ne u bëjmë thirrje vendeve anëtare Bashkimit Evropian që të dorëzojnë urgjentisht vendimin e vonuar për lirinë e vizave për qytetarët tanë”, ka shkruar ajo në Twitter.

Congratulations to 🇦🇱 & 🇲🇰 for taking one step closer to the EU.

At this determining time, accelerating the enlargement process for democratic WB countries is a must!

We call on 🇪🇺 member states to urgently deliver on the overdue decision on visa lib. for our citizens.

— Vjosa Osmani (@VjosaOsmaniPRKS) July 19, 2022

Këtë të martë në Bruksel u zhvillua Konferenca e parë Ndërqeveritare mes Shqipërisë dhe Bashkimit Evropian.

Sot, në godinën e Këshillit Europian  kryeministri Edi Rama, ministrja Xhaçka dhe kryenegociatori Zef Mazi zhvilluan takimin politik për hapjen e negociatave në mënyrë zyrtare.

LEXONI GJITHASHTU:

• Von der Leyen: Shqipëria do të bashkohet me Mbrojtjen Civile Europiane