Pa rezolutë, Afganistani dhe Pakistani përfundojnë bisedimet e paqes në Stamboll

Bisedimet midis Afganistanit dhe Pakistanit në Stamboll për të ndërmjetësuar një armëpushim afatgjatë kanë përfunduar pa një rezolutë, thanë të martën dy zyrtarë.

Sipas raportimeve, bisedimet kishin për qëllim arritjen e një paqeje të qëndrueshme midis fqinjëve të Azisë Jugore, i ciliu u mbajt në Stamboll, ku u ndërmjetësua nga Katari, nën kujdesin e qeverisë turke.

Bisedimet u zhvilluan një ditë pasi Presidenti i SHBA-së, Donald Trump, premtoi të zgjidhte krizën midis dy vendeve “shumë shpejt”. Megjithatë, tensionet përgjatë kufirit mbeten të larta pas përleshjeve të fundit që lanë dhjetëra ushtarë dhe civilë të vdekur nga të dyja palët.

Sakaq, Katari kishte pritur më parë raundin e parë të bisedimeve që çuan në një armëpushim të përkohshëm më 19 tetor midis Islamabadit dhe Kabulit.

Sipas raportimeve, zëdhënësi kryesor i qeverisë së talebanëve, Zabihullah Mujahid, tha se bisedimet në Stamboll ishin ende duke vazhduar, por pa rezultate. Zyrtarët pakistanezë gjithashtu konfirmuan se dialogu nuk po rezultonte me një rezolutë.

Ndërkohë, ushtria pakistaneze tha se kishte vrarë 25 militantë ndërsa “sprapste dy përpjekje të mëdha infiltrimi” përgjatë kufirit, edhe pse delegacionet po takoheshin në Turqi. Pesë ushtarë pakistanezë u vranë në sulm.

Pakistani ka akuzuar prej kohësh talebanët se i lejojnë luftëtarët e tij të përdorin territorin afgan për sulme ndërkufitare, akuza që Kabuli i mohon.

LEXONI GJITHASHTU:

• Pakistani paralajmëron luftë me Afganistanin, nëse bisedimet në Stamboll dështojnë
• Katari: Afganistani dhe Pakistani bien dakord për armëpushim të menjëhershëm