Pacolli: Serbia do ta nënshkruajë marrëveshjen me Kosovën por nuk do ta njohë

Ish-Presidenti i Kosovës Behgjet Pacolli thotë se fundi i dialogut me Serbinë i ngjan situatës në Rambuje, ku Prishtinës dhe Beogradit do u prezantohet Marrëveshja Finale, të cilën  palët do duhet ta nënshkruajnë.

Në emisionin Balkan Talks në Euronews Albania Pacolli thekson se Serbia mund të mos e njohë zyrtarisht Kosovën, por do t’i duhet të pranojë se nuk e pengon anëtarësimin e saj në Kombet e Bashkuara dhe integrimet europiane.

“Kjo që kam thënë unë që nga 2010 dhe për këtë jam kritikuar shumë, që Serbia nuk do ta njohë me marrëveshjen e nënshkruar, Kosovën. Sepse unë e njoh edhe situatën në Serbi. Serbia duhet të nënshkruajë një marrëveshje dhe ky është një fakt, por nuk do të ketë njohje. Kjo nuk do të ishte dëm i madh nëse Serbia depoziton një garanci që thotë se Serbia asnjëherë s’do ta pengojë Kosovën në integrimet në organizatat ndërkombëtare”, tha Pacolli.

LEXONI GJITHASHTU:

• Kurti: Brenda 9 vitesh presim që Kosova të hyjë në BE
• Escobar: Kosova ka garanci shumë të forta sigurie nga SHBA-ja