Një padi e re e ka vendosur Kanye West në qendër të një tjetër incidenti të rëndë. Padia akuzon reperin për sulm seksual ndaj një modeleje, Jenifer An, gjatë xhirimeve të një videoje muzikore në vitin 2010.
Sipas denoncimit, Jennifer An, e cila në atë kohë punonte si modele në videoklipe, ishte viktimë e sjelljes së dhunshme dhe degraduese të reperit.
Referuar raportimeve, reperi mori kontrollin e produksionit pas disa orësh xhirime, duke urdhëruar modelet e pranishme të rreshtoheshin për t’u vlerësuar.
Më pas reperi dyshohet se zgjodhi Jennifer An, duke iu drejtuar me frazën: “Më sill vajzën aziatike”.
An, e cila kishte veshur të brendshme për xhirimet, thuhet se u dërgua në suitën e Kanye West, ku ndodhej një shtrat dhe një aparat fotografik.
Ankesa e përshkruan episodin si një sulm seksual që pasqyron praktika pornografike. Kjo ankesë vjen pas akuzave të tjera ligjore ndaj reperit.
Muajin e kaluar, një ish-asistent ngriti një padi kundër Kanye West, duke e akuzuar atë për dhunë dhe trafik seksual.
Jennifer An, e njohur si një finaliste në shfaqjen televizive America’s Next Top Model, tha se shpreson se “kjo kauzë do të ndihmojë në krijimin e një bote më të sigurt për ne dhe artistët e ardhshëm.
