Berisha “non grata”, Nurellari: Më dhimbset, por shuplakat nuk ishin vetëm për të

Politologu Adri Nurelli tha për gazetaren Ilva Tare se është për të ardhur keq se si mundet që një figurë emblematike si Sali Berisha të mbërrinte deri në këtë pikë sa të shpallet ‘non grata’ nga SHBA dhe të padiste sekretarin amerikan të shtetit.

Sipas tij, problemi qëndron në faktin se politikanët në Shqipëri nuk gjejnë momentin e duhur historik për t’u tërhequr nga politika dhe arrijnë në këtë pikë.

“Keqardhje personale dhe për vendin, pasi Berisha është një figurë emblematike e historisë post komuniste.  Është një degradim, një cikël i mbyllur që lë për të dëshiruar. Më dhimbset edhe për faktin se ka disa shuplaka këtu; jo vetëm për të personalisht por për të ndërprerë disa sjellje të së kaluarës si mesazh për opozitën aktuale për të bërë një shkëputje me të kaluarën.

Gjithashtu, është shuplakë për drejtësinë në Shqipëri që i bie që këtu drejtësia nuk funksionon, është e politizuar dhe të palarat njëri tjetri politikanët i përdorin për ujdi apo shantazhe”, tha politologu.