Pagat e gjyqtarëve, nis shqyrtimi në Kuvend i vendimit të Kushtetueses

Këshilli i Legjislacionit në kuvend nisi shqyrtimin e dy vendimeve të Gjykatës Kushtetuese që kanë të bëjnë me vendosjen e pagave për gjyqtarët dhe rregulloren e parlamentit.

Shërbimi juridik në Kuvend propozon që sa i takon formulës së re për pagat e gjyqtarëve, Këshilli duhet të vendos nëse do i drejtohet qeverisë për të përcaktuar formulën e re apo do të trajtohet në këtë këshill.

Burime nga mazhoranca i thanë Euronews Albania se propozimi i tyre do të jetë që t’i drejtohen Këshillit të Ministrave për të sjell formulën e re në Kuvend.

Ndërsa për rregulloren e Kuvendit, Këshilli vendosi që çështjen t’ja përcjell Këshillit të Mandateve, Imunitetit dhe Rregullores.