Pajisja e identifikimit biometrik në karkim, vonohet procesi te “Kushtrimi i Lirisë”

Pajisja e identifikimit biometrik në shkollën “Kushtrimi i Lirisë” në Tiranë është ende në karikim.

Për këtë arsye procesi i votimit në këtë qendër është vonuar.

Sot, më 14 maj shqiptarët do t’u drejtohen kutive të votimit për të zgjedhur kryetarët e bashkive dhe anëtarët e këshillave bashkiak për 4 vitet e ardhshme.

Sipas listës së fundit të shpërndarë nga Ministria e Brendshme, të drejtën e votës në zgjedhjet e 14 majit e kanë 3 milionë e 650,550 shtetas shqiptarë. Nga këta 122,545 janë qytetarë që e kanë mundësinë për të votuar për herë të parë. Këta qytetarë do të kenë mundësi ta ushtrojnë të drejtën e tyre në 5,211 qendra votimi në të gjithë vendin.

LEXONI GJITHASHTU:

• Zgjedhjet lokale, 15 gra në garë për kryebashkiake, ja kush janë
• Nis votimi në Shijak, komisionerët e “Bashkë fitojmë” nuk shfaqen në dy qendra