Pakistan, katër të vdekur në protestat kundër çmimit të miellit dhe energjisë

Katër persona kanë vdekur dhe 100 të tjerë kanë mbetur të plagosur pas përleshjeve të dhunshme me autoritetet në Kashmirin e administruar nga Pakistani.

Mijëra njerëz kanë dalë në rrugë që nga e premtja për të protestuar ndaj rritjes së çmimit të miellit dhe energjisë elektrike.

Organizatorët anuluan protestat të martën, një ditë pasi kryeministri i Pakistanit Shehbaz Sharif ofroi subvencione me vlerë 24 miliardë rupi (86 milion dollarë; 69 milion £).

“Qeveria i ka pranuar të gjitha kërkesat tona”, tha Shaukat Nawaz Mir, një nga aktivistët që drejtonte demonstratat.

Mir kishte kërkuar gjithashtu që qeveria të ofronte kompensim financiar për familjet e të vrarëve në dhunë.

Dhuna ishte intensifikuar që nga fundjava, duke bërë që autoritetet të ndërpresin shërbimet celulare.

Gjithashtu janë pezulluar shkollat, transporti publik dhe bizneset.