Pallati në Tiranë mbulohet nga piktura e artistes franceze

Kryeqyteti i rinisë identifikohet edhe në muret e pallateve. Vepra arti, kryesisht piktura të të rinjve kanë gjetur vend në fasadat e ndërtesave në Tiranë. Një prej tyre i përket artistes franceze Zabou, e njohur për muralet e saj me portrete.

Një vajzë me flokë të gjatë të zinj dhe dora e një të moshuare në supin e saj është muralja që të zënë sytë para se të shkosh te mbikalimi i Unazës.

Sytë e vajzës duket sikur mund t’i flasin kujtdo, e mbi të gjitha përmbushin misionin, i japin jetë një pallati të vjetër.

 “Mural Fest Tirana” aktivitet i kthyer tashmë në traditë për kryeqytetin mirëpret në këtë edicion të katërt artistë vendas dhe të huaj nga Uruguai, Argjentina, Zvicra, Spanja, Italia, Greqia e më tej.

LEXONI GJITHASHTU:

• Artisti australian heq muralen me ushtarët rus dhe ukrainas pas reagimit të ashpër