Pamje dramatike nga Maroku, njerëzit tentojnë të shpëtojnë mes godinave që shemben

Ministria e Brendshme e Marokut tha të shtunën pasdite se numri i të vdekurve nga tërmeti vdekjeprurës që goditi vendin kishte arritur në 1,037.

Gjithashtu u  raportuan 1,204 të plagosur, 721 prej tyre në gjendje kritike. Numri i viktimave pritej të rritet pasi ekipet e shpëtimit arritën në zona të largëta, ku po nxjerin nga rrënojat trupat e viktimave dhe po kërkojnë për të mbijetuar.

Pamjet dramatike kanë filluar të shpërndahen në rrjetet sociale, ku tregojnë fuqinë e tërmetit vdekjeprirës prej 6.8 ballë.

BBC ka shpërndarë pamjet kur njerëzit të tronditur në rrugët e Marrakeshit dalin nga banesat, teksa i shpëtojnë mrekullisht rrëzimit të një banese aty pranë.

Tërmeti ra në orën 23:11 me orën lokale. Ndërkohë që pati një pasgoditje 4.9 ballë, rreth 19 minuta më vonë.

Epiqendra ishte në Malet e Atlasit të Lartë, 71 km në jug-perëndim të Marrakeshit, në një thellësi prej 18.5 km, bëri me dije Shërbimi Gjeologjik i SHBA.

LEXONI GJITHASHTU:

• Momenti kur shembet pallati në Marrakesh, pamjet e katastrofës së tërmetit në Marok
• Pasojat në njerëz sa tërmeti i Turqisë, dëshmitë nga Maroku: Eksperiencë mizore