Mimoza Paja, ishte në përfundim të orarit të saj të punës, kur mbeti viktimë e atentatit, mbrëmjen e së dielës në zonën e Don Boskos. 58 vjeçarja, punonte si banakiere dhe kameriere në lokalin e Fatjon Muratit, një emër i njohur në botën e krimit.

Kamera e Euroneës Albania ishte këtë të hënë në ambientet e jashtme të lokalit në Don Bosko, ku siç shihet nga pamjet gjurmët e plumbave janë mëse të dukshme.

Policia ndodhet ende në zonë, ndërkohë që ka filluar pastrimi i xhamave dhe ambienteve të lokalit.

Banakierja e cila mbeti e vrarë në këtë atentat, ishte e pafajshme dhe kishte rreth 3 muaj që punonte në lokalin e Fatjon Muratit.

Ajo ishte grua e ve me 4 fëmijë dhe në gjendje të vështirë ekonomike.

LEXONI GJITHASHTU:

• “Ishte fukara, kishte 6 muaj pa larë qiranë”, flet fqinja e Mimoza Pajës
• Masakra në Don Bosko, gjendet e djegur makina e autorëve, brenda 3 kallashnikovë
• Masakra në Don Bosko, gazetari: Mund të kenë lidhje dhe njerëzit e Ervis Martinaj