Papa: Dërgoni më shumë ndihma humanitare në Gaza, lironi pengjet nga Hamasi 

Papa Françesku bëri thirrje sot që të shtohet kujdesi shëndëtsor për të plagosurit në Gaza, të garantohet mbrojtja e civilëve dhe të dërgohen më shumë ndihma humanitare në Rripin e Gazës.

Në të njëjtën kohë, ai bëri thirrje për lirimin e pengjeve të mbajtura nga Hamasi, raportoi Reuters. Papa Françesku ka bërë thirrje sërish për t’i dhënë fund luftimeve në luftën mes Izraelit dhe Hamasit, duke thënë se çdo qenie njerëzore ka të drejtë të jetojë në paqe, raporton Ansa.

“Lërini armët të heshtin, nuk do të sjellin kurrë paqen dhe mos u përhapni konflikti. Mjaft, mjaft vëllezër, mjaft”, tha Papa Françesku pas lutjes së sotme.

Ai vuri në dukje se çdo qenie njerëzore, qoftë i krishterë, hebre, mysliman, i çdo besimi fetar, është i shenjtë dhe i çmuar në sytë e Zotit dhe ka të drejtë të jetojë në paqe.

LEXONI GJITHASHTU:

• Gjysmëhëna e Kuqe thotë se spitali më i madh në Gaza është jashtë funksioni
• Izraeli: Mbi 100 mijë persona u larguan nga Gaza për dy ditë