Papa Françesku përdori edhe një herë termin homofobik për të cilin kërkoi falje 

Gjatë një takimi në Vatikan me priftërinjtë romakë, ku u diskutua për anëtarët homoseksualë të komunitetit të kishës, Papa Françesku përdori përsëri termin homofobik, tha një burim për agjencinë ANSA.

“Ka një “pede” në Vatikan”, tha ai, duke përsëritur një fjalë që kishte përdorur më parë në fund të majit dhe më pas kërkoi falje.

Papa përsëriti gjithashtu se mendon se është më mirë që homoseksualët të mos hyjnë në seminar, por paralajmëroi për rrezikun e ideologjive, duke deklaruar se tradicionalistët “nuk janë të mirë”, raportoi agjencia italiane.

Në takim, Papa Françesku theksoi rëndësinë e pranimit të komunitetit LGBT+ në Kishën Katolike.

Vatikani njoftoi në fund të majit se Papa Françesku nuk kishte ndërmend të përdorte gjuhë homofobike dhe i kërkoi falje kujtdo që ofendohej nga fjalët e tij, pasi mediat italiane raportuan se ai kishte përdorur një term nënçmues për homoseksualët në një takim me peshkopët italianë.

LEXONI GJITHASHTU:

• Papa takon komedian nga e gjithë bota: Shpesh lutem që Zoti të më japë humor
• Papa Françesku kundërshton praninë e homoseksualëve në seminare