Papa u lan këmbët grave të burgosura, ato shpërthejnë në lot

Papa Françesku lau këmbët e 12 grave të burgosura në një burg në Romë, një rit tradicional i së Enjtes së Madhe në fillim të fundjavës së Pashkëve.

Ati i Shenjtë 87-vjeçar, i cili përballet me disa probleme shëndetësore edhe gjatë këtij procesi qëndroi i ulur në karrigen me rrota.

Rituali i larjes së këmbëve zhvillohet të enjten para Pashkëve dhe synon të imitojë momentin kur Jezu Krishti një natë para se të vdiste u lau këmbët  dishepujve të tij.

Që nga zgjedhja e tij, Papa Françesku  e ka zhvilluar  këtë ceremoni jashtë territorit të Vatikanit dhe e ka realizuar duke larë këmbët të burgosurve, refugjatëve dhe personave më aftësi të kufizuara.

LEXONI GJITHASHTU:

• Ukraina me aleatët kritikojnë deklaratat e Papa Françeskut për luftën
• Papa: Hipokrite të tronditesh nga bekimi për çiftet e të njëjtit seks