Papa: Vendet hipokrike që flasin për paqe e krijojnë armë, janë fajtorë për luftërat

Papa Françesku vuri në dukje sot “hipokrizinë” e disa vendeve që flasin për paqe dhe në të njëjtën kohë prodhojnë armë, duke i akuzuar për luftëra dhe vuajtje në Palestinë dhe Ukrainë. 

“Dëshiroj të përmend dy dështime të njerëzimit, Ukrainën dhe Palestinën, ku njerëzit vuajnë dhe ku arroganca e pushtuesit mbizotëron mbi dialogun. Fatkeqësisht, ka vende ku autoritetet shtetërore nuk respektojnë dinjitetin dhe lirinë që ka çdo qenie njerëzore. një e drejtë e patjetërsueshme si fëmijë i Zotit”, tha Papa.