Paralajmërime për tornado në disa shtete të SHBA: Rreth 100 milionë njerëz në rrezik

Shtetet e Bashkuara do të goditen sot dhe nesër nga një sistem i fuqishëm stuhish, i shoqëruar me erëra të forta dhe tornado të mundshëm, të cilët do të prekin pjesën e mesme dhe juglindore të vendit, njoftoi Shërbimi Meteorologjik Amerikan.

Një total prej rreth 100 milionë njerëz jetojnë në zonat e goditura nga sistemi i stuhisë, dhe paralajmërimet për tornado janë lëshuar në Luiziana, Misisipi, Indiana dhe Alabama.

Ndryshimet e motit të kësaj shkalle do të testojnë aftësinë e Shoqatës Kombëtare Oqeanike dhe Atmosferike (NOAA) për t’u marrë me një ngjarje të madhe, potencialisht vdekjeprurëse të motit, pas pushimit nga puna të rreth 800 meteorologëve dhe stafit tjetër në fund të shkurtit, raportoi Axios.

Këto pushime nga puna kanë ulur numrin e punonjësve në disa zyra lokale të motit dhe disa meteorologëve u është dashur të zbatojnë ndërrime më të shpeshta jashtë orarit.

Planifikohen shkurtime të mëtejshme për stafin e NOAA me rreth 1,000 punëtorë, megjithëse është e paqartë nëse këto do të fokusohen në Shërbimin Kombëtar të Motit, apo misione të tjera të NOAA.

LEXONI GJITHASHTU:

• VIDEO| Dy tornado goditën Florida-n para uraganit Milton, shtohet rreziku
• Tornado në Anglinë jugore, erërat e forta goditën Hampshire