Paralajmërimi i NATO-s për luftën në Ukrainë

Prej 24 shkurtit, lufta mes Rusisë dhe Ukrainës po vazhdon të bëhet akoma dhe më e agresive.

Ditën e sotme, forcat ukrainase janë bërë dyshues kundrejt premtimit të bërë nga Rusia se do të reduktojë ushtarët në rajonin e Kievit.

Nga ana tjetër, NATO ka paralajmëruar se forcat ruse po rigrupohen dhe se në Kiev pritet që të ndodhë një seri sulmesh ku mund të prekin pjesën lindore të vendit.

Gjithashtu, presidenti i Ukrainës, Volodymyr Zelenski ka njoftuar se do të bëjë gjithçka për të ndaluar pushtuesit dhe teknikat e tyre të liga dhe absurde.

“Në Donbas, në Mariupol dhe në drejtim të Kharkiv, trupat ruse po grumbullojnë potencialin e tyre sulmues, ofensiva të fuqishme. Ne do të mbrohemi. Do të bëjmë gjithçka për të ndaluar pushtuesit dhe për të pastruar tokën tonë nga teknikat e tyre të liga dhe absurde”, tha presidenti ukrainas.

Sipas raportimeve të agjencive sekrete, presidenti Putin ka humbur kontaktin me realitetin dhe ai po keqinformohet dhe se planet e Moskës nuk po ecin ashtu siç duhet duke u detyruar të zhvendosë trupat nga Gjeorgjia në Ukrainë.

Presidenti i Amerikës, Joe Biden ka deklaruar se Putin mund të jetë vetëizoluar dhe pushuar nga puna disa nga këshilltarët e tij.

“Ka shumë spekulime por duket se Putin  është vetë izoluar  dhe ka të dhëna se ai ka pushuar nga puna ose ka futur në arrest shtëpie disa nga këshilltarët e tij. Por për momentin nuk mund  të ndalem shumë sepse nuk ka  evidenca të qarta”, tha Joe Biden.

LEXONI GJITHASHTU:

• Ukraina sulmon për herë të parë territorin e Rusisë
• Britania e Madhe vendos sanksione ndaj mediave ruse
• Putin pranon pagesa në euro për gazin