Parisi përjetëson David Bowie, një rrugë në kryeqytetin francez merr emrin e tij

Parisi po përjetëson ikonën e ndjerë të muzikës britanike, David Bowie, duke i emëruar një rrugë me emrin e tij në juglindje të qytetit francez në ditën që do të ishte ditëlindja e tij e 77-të më 8 janar.

Inaugurimi i së hënës i rrugës “David-Bowie” u njoftua për herë të parë në vitin 2020 nga Jérôme Coumet , kryetari i distriktit te 13-të. Bowie vdiq nga kanceri në vitin 2016.

“Ai e donte Parisin, i pëlqente shumë ky qytet dhe vinte rregullisht dhe performonte rregullisht këtu. Është vendi i parë jashtë botës anglishtfolëse ku ai dha një koncert…Mësova se ishim të parët në botë dhe jam i lumtur”, thotë Jérôme Coumet, kryebashkiak i Parisit.

“Nuk mund ta dije kurrë me Davidin. Nuk mund të parashikosh kurrë se çfarë do të donte dhe çfarë jo.

Unë mendoj se ai do të kishte pëlqyer këtë. Pse jo? Mendoj se është një nder”, shprehet George Underwood, shoku i fëmijërisë së David Bowie.