Partia e Lirisë po përpiqet të rregullojë marrëdhëniet me SHBA-në, thotë juristi

Juristi Kreshnik Spahiu deklaroi në një intervistë për Euronews Albania se ka një përpjekje të Partisë së Lirisë që të rregullojë marrëdhëniet me Shtetet e Bashkuara të Amerikës.

Ky konstatim lind pasi ambasadorja Kim pati një takim miqësor me Metën pavarësisht marrëdhënieve të tensionuara më herët.

Për Spahiun ky ndryshim qëndrimesh lidhet me riparimin e deklaratave që janë bërë nga Meta për Kim, ndërsa solli në vëmendje se dhe numri 2 i partisë është zgjedhur një person i cili ka një lloj ure bashkëpunimi dhe komunikimi me SHBA-në.

“Zoti Meta si një politikan i vjetër do tentojë dhe do përpiqet që të mos përfundojë në të njëjtat marrëdhënie si ish-kryeministri Sali Berisha në raport me Shtetet e Bashkuara të Amerikës, madje nëse do ta vëmë re me vëmendje edhe në zgjedhjen e partisë së re, Partisë së Lirisë, zgjedhja e nënkryetarit të ri, zotit Agim Nesho ka një objektiv dhe një qëllim jo për shkak të kontributit në parti, por për shkak të pozicionit të tij diplomatik në Organizatën e Kombeve të Bashkuara si një diplomat karriere në Shtetet e Bashkuara të Amerikës, Nju Jork, ka tentuar të japë një mesazh diplomatik,” – u shpreh Spahiu.

LEXONI GJITHASHTU:

• Kreshnik Spahiu: Sali Berisha edhe nga burgu 313 mund ta drejtojë partinë
• Meta takim me përfaqësuesit e Turgut Ozal: Arsimi të mos bëhet viktimë e politikës
• Ambasadorja Yuri Kim i shkon në zyrë Ilir Metës