Partitë e majta të Francës në prag të aleancës historike kundër Macron

Partia Socialiste e Francës dhe partia e majtë La France Insoumise (LFI) kanë arritur në parim një marrëveshje për të formuar një koalicion përballë zgjedhjeve parlamentare të qershorit dhe për të qenë përballë presidentit Macron i cili pak javë më parë fitoi zgjedhjet presidenciale, raporton Reuters.

‘Ne duam të zgjedhim deputetët në shumicën e zonave zgjedhore, për të parandaluar Emanuel Macron të vazhdojë politikën e tij të padrejtë dhe brutale dhe të mposhtim të djathtën ekstreme”, thuhet në deklaratën për mediat të të dy partive.

Marrëveshja e koalicionit, e formuar nën udhëheqjen e të majtës së fortë të Jean-Luc Melenchon, është një përpjekje për të privuar Macron që të sigurojë shumicën në parlament dhe për të bllokuar axhendën e tij.

Melenchon, një euroskeptik radikal ka arritur të bashkojë të Gjelbrit, Komunistët dhe Socialistët nën një slogan të vetëm që mund të shkaktojë reagim në të gjithë BE-në, pasi platforma e tij synon të sfidojë parimet kryesore të politikave ekonomike të bllokut.

Politikat e aleancës së re, përfshijnë gjithashtu plane për të ulur moshën e daljes në pension në 60 vjeç, për të rritur pagën minimale dhe për të rritur çmimet e produkteve thelbësore.

Nëse do të miratohet nga komiteti i brendshëm i Partisë Socialiste, aleanca do të shënonte një koalicion historik të krahut të majtë.

LEXONI GJITHASHTU:

• Telefonata mes Putin dhe Macron, ndihma që i ofron presidenti francez
• Macron goditet me domate në daljen e parë publike pas zgjedhjeve