Pas Gjiknurit e Alibeajt, përfaqësuesit e OSBE takim dhe me Gazment Bardhin

Pas Enkelejd Alibeajt dhe Damian Gjiknurit, burime bëjnë me dije se përfaqësuesit e OSBE do të takohen këtë të mërkurë me kreun e grupit parlamentar demokrat, Gazment Bardhi.

Takimi pritet të zhvillohet në orën 14:00 në ambientet e Kryesisë së Kuvendit.

Në nisje të sesionit të ri parlamentar debati për Reformën Zgjedhore duket se është shndërruar në krye-temë e debatit politik në vend.

Komisioni i Posaçëm i Reformës Zgjedhore pritet të mblidhet ditën e premte, 19 janar, në orën 11:00, pas dakordësisë së arritur mes palëve.

Mbledhja e komisionit vjen pas takimit të patur mes përfaqësuesve të OSBE dhe bashkëkryetarit socialist të komisionit të posaçëm, Damian Gjiknuri.

Gjiknuri bëri me dije se në takim u diskutua në lidhje rifillimin e punës së komisionit për reformën zgjedhore. Sipas deputetit socialist, synim i punimeve të këtij komisioni mbeten rekomandimet e OSBE-ODHIR, si dhe vendimet e Gjykatës Kushtetuese.

Sakaq përfaësuesit e OSBE u takuan dhe me bashkëkryetarin e opozitës Enkelejd Alibeaj, i cili në përfundim të takimit theksoi se “Reforma Zgjedhore përbën prioritetin kryesor i cili duhet të jetë gjithëpërfshirës dhe transparent për shqiptarët, në mënyrë që t’i garantohet qytetarëve shqiptarë një proces zgjedhor i lirë dhe i drejtë, nëpërmjet listave të hapura, një zonë kombëtare zgjedhore, votim për qytetarët shqiptarë në diasporë dhe proces votimi dhe numërimi elektronik”.

LEXONI GJITHASHTU:

• Ambasada e SHBA në Tiranë: Nuk kemi ndërmjetësuar për reformën zgjedhore
• Reforma zgjedhore, Bylykbashi: OSBE kërkon konsensus dhe gjithpërfshirje
• Nisja e sesionit të ri parlamentar, OSBE: Presim një Parlament plotësisht funksional