Shkupi sfidon SHBA, i jep shtetësi oligarkut të sanksionuar nga Uashingtoni

Oligarku ukrainas, Oleksandr Onyshenko, i cili është arratisur nga drejtësia në Ukrainë dhe është i sanksionuar nga SHBA-ja, ka marrë shtetësinë e Maqedonisë së Veriut.

Ai ishte futur në listën e sanksioneve SHBA-së më 31 maj të vitit 2021, për shkak se ishte pjesë e një rrjeti rus që ndërhyri në zgjedhjet amerikane. Ai po ashtu ka edhe shtetësi ruse.

Çështja u bë e ditur nga ish-ministri i Jashtëm, deputeti i VMRO DPMNE-së, Antonio Misllososki.

Sipas të dhënave të Qeverisë, Onyshenko kërkesën për shtetësi maqedonase e ka paraqitur në vitin 2021, me propozim Federatës së Sporteve me Kuaj, ndërsa mendim pozitiv kanë dhënë Agjencia për Rini dhe Sport, por edhe Agjencia e Sigurisë Kombëtare.

LEXONI GJITHASHTU:

• Nënshkruhen 21 marrëveshje dhe memorandume mes Shqipërisë e RMV
• Oligarku ukrainas i sanksionuar nga SHBA-ja merr shtetësi maqedonase