Pastruesja e eurove kërkon lirinë, Rozeta dhe Havier Dobi të mërkurën në Apel

Gjykata e Apelit do të shqyrtojë të mërkurën ankimin e Rozeta dhe Havier Dobit. Nënë e bir të arrestuar për vjedhjen e banesës së ish-zyrtares Alda Klosi shpresojnë për një masë më të butë sigurie se ajo e mbylljes në qeli.

Seanca pritet të zhvillohet në orën 11:00, ndërsa me interes pritet edhe qëndrimi i prokurorisë. Kur kanë kaluar disa javë nga zbulimi i rastit, 404 mijë eurot e gjetura në tubin e aspiratorit gjatë një rikontrolli të banesës së pastrueses, kanë mbetur pa pronar.

120 mijë eurot e tjera, bashkë me një sasi dollarësh dhe sendesh me vlerë që iu vodhën në banesë ish-zyrtares së rindërtimit dhe agjencisë së mbikëqyrjes financiare po kalojnë në sitën e prokurorisë mbi burimin e krijimit të tyre.

Pak ditë më parë xhaxhai i Alda Klosit që jetonte në Amerikë, i cili sipas Klosit i kishte lënë shumën e parave për rregullimin e banesës, ka ndërruar jetë si pasojë e një sëmundje të rëndë. Nga ana tjetër, nuk dihet nëse hetimi i prokurorisë për 404 mijë eurot pa zot ka avancuar për të zbuluar pronarët e tyre ku dyshohet se gjithashtu janë vjedhur nga sanitarja Rozeta Dobi.

LEXONI GJITHASHTU:

• Berisha: Qeveria kërkon t’i mbyllë gojën Dobit, të shpallet e penduara e drejtësisë
• Avokati i Rozeta Dobit: Është normale që babai të vërë djalin para gruas