Plator Nesturi: Shpallja “non grata” e Berishës, mesazh i qartë për drejtësinë

Analisti Plator Nesturi e sheh vendimin e Departamentit Amerikan të Shtetit për të shpallur “non grata” ish-kryeministrin Sali Berisha si një inkurajim për drejtësinë.

Sipas tij vendimi i DASH është vendim moral për të gjithë politikën në 30 vite që ka qenë e pandëshkueshme pavarësisht skandaleve dhe abuzimeve të mëdha.

“Ky është një mesazh i qartë për t’u treguar e guximshme dhe për të marrë fund kjo periudhë pandëshkueshmërisë. E shoh si një inkurajim për ta futur drejtësinë shqiptare në një etapë të re. Mbyllet cikli i pafund i tranzicionit dhe pandëshkueshmërisë së abuzimit me pushtetin”, tha Nesturi.

Analisti shtoi më tej se “tani është hapur shtegu për të bërë një drejtësi të re” dhe emrat e mëdhenj do të shërbejnë si shembuj konkretë.

Mungesa e drejtësisë në të gjithë këto vite shtoi Pator Nesturi ka ardhur për shkak se “ka qenë politika që ka ndikuar drejtësinë, e tutelonte drejtësinë, promovonin njerëz dhe hartonin ligje”.