“PD është partia e të pamundurave”, Kraja: Ja ambiciet tona për zgjedhjet

Akil Kraja, kandidati për deputet i Partisë Demokratike në Tiranë ishte këtë të diel në “Review” në Euronews Albania ku tha se PD-ja është partia e të pamundurave, e sipas tij ka ndryshim të madh me Partinë Socialiste në Tiranë.

Ai tha se ndërkohë që kryebashkiaku i Tiranës është në burg, ndryshimi është madhor, pasi nga një anë kemi një Tiranë nën “thundrën e korrupsionit” ndërsa nga ana tjetër janë demokratët patriot, që sipas Krajës kanë vetëm një ambicie të frenojnë shpopullimin dhe korrupsionin.

“nga një anë kemi një tiranë nën thundrën e korrupsionit, e cila mbulohet me asete publike që synojnë të mbulojnë realitetin e shëmtuar. Nga ana tjetër kemi një mori demokratësh që janë të shkëputur nga çdo interes shtetëror që kanë vetëm një ambicie, të frenojnë shpopullimin, të frenojnë korrupsionin, të frenojnë shpërbërjen e administratës publike, me paaftësi, me rrjedhje të dhënash publike, e mbi të gjitha të frenojmë këtë varfërim të shqiptarëve. Kjo e fundit vihet re kryesisht në Tiranë ku kemi kulla me apartamente 5000-6000 euro metri katror e nga ana tjetër kemi familje të reja shqiptare që mezi mbyllin muaj”,-tha Kraja.

LEXONI GJITHASHTU:

• PS 20 mandate në Tiranë? Gjylameti: Nuk është çështje numrash, por çështje vlerash
• Rama me të rinjtë në Vlorë: Reforma në drejtësi meritë e PS, ne ja dhamë shpatën