PE nderon opozitën venezuelase, sfidantët e Maduro marrin çmimin Sakharov

Liderja e opozitës së Venezuelës, Maria Korina Maçado dhe Edmundo Gonzales, kandidat në zgjedhjet presidenciale të korrikut, janë vlerësuar me Çmimin Sakharov për Lirinë e Mendimit.

Në vendimin e tij, Parlamenti Evropian ka vënë në dukje luftën kurajoze të dy politikanëve për vendosjen e lirisë dhe demokracisë në Venezuelë.

“Është privilegji im të njoftoj se çmimi Sakharov për Lirinë e Mendimit këtë vit i është dhënë Maria Korina Maçado, lidere e forcave demokratike në Venezuelë, dhe Edmundo Gonzales”, tha Roberta Metsola, kryetare e Parlamentit Evropian.

Shtatorin e kaluar, Parlamenti Evropian njohu Gonzales si presidentin e zgjedhur të Venezuelës përmes një rezolute.

“Vetëm liderja e forcave demokratike dhe presidenti i zgjedhur Edmundo Gonzales përfaqësojnë popullin e Venezuelës”, u shpreh Metsola.

Çmimi prestigjioz do të dorëzohet më 18 dhjetor.

LEXONI GJITHASHTU:

• Venezuelasit protestojnë në mbështetje të opozitës pasi Maduro fitoi mandatin e 3
• Venezuela goditet nga tërmeti, sa ishte magnituda