Pedagogu Klodian Dhoska thotë se duke parë qëndrimin e qeverisë ndaj kërkesave të pedagogëve, po mendohet hyrja në grevë.
Në një intervistë për Euronews Albania, Dhoska u shpreh se shumica e stafit akademik, e ka kërkuar një gjë të tillë.
“Kjo është një gjë e padëshirueshme nga ana jonë, por në këtë situatë mosreagimi, shumica e stafeve tona, si ndihmës akadamikë, si profesorët, na e kërkojnë këtë lloj veprimi dhe ne po e mendojmë. Nga dita në ditë, ne po e shikojmë nga mos reagimi i qeverisë për pika tona, edhe presioni që kemi nga mbështetësit tanë, të sindikatës, ne po e mendojmë këtë lloj veprimi.
Ne nuk e dëshirojmë, edhe të gjithë pjesëtarët e sindikatës. Urojmë që qeveria të reagojë sa më shpejt, të gjejë një urë lidhëse me pjesën e sindikatës, për të dhënë zgjidhje një herë e mirë këtyre problematikave”, theksoi ai.
Një ditë më parë, kryetari i Sindikatës së Pedagogëve, Sandër Kovaçi tha për Euronews Albania se pa presion nuk rriten pagat. Kështu ai argumentoi kalimin nga protesta në grevë urie.
LEXONI GJITHASHTU
- Pa presion nuk rriten pagat e pedagogëve, thotë Sandër Kovaçi
- Pedagogët paralajmërojnë grevë urie, Kovaçi: Formë presioni
- Protesta e pedagogëve, Kovaçi: Nëse nuk na plotësohen kërkesat do bëjmë grevë urie
