Pedagogu: Sërish protestë më 5 tetor nëse nuk rriten pagat

Pedagogu në Fakultetin e Inxhinierisë Matematike, Sandër Kovaçi deklaroi se nëse qeveria nuk i plotëson kërkesat e tyre për rritjen e pagave pas protestës së sotme, një tjetër do të zhvillohet më 5 tetor.

Në një intervistë për “Euronews Albania”, Kovaçi u shpreh se pedagogët kanë edhe mbështetjen e studentëve.

“Nëse qeveria nuk na dëgjon, nuk arrin të na plotësojë kërkesat që thashë që janë krejtësisht të arsyeshme dhe të paekzagjeruara, ne do vazhdojmë me një protestë të dytë, 1 orëshe nga 5 tetori dhe pastaj nuk do të fillojmë vitin e ri akademik më 17 tetor.

Kemi mbështetjen e profesorëve dhe të studentëve të cilët edhe ata mendojnë që pa një trajtim të mirë të profesoratit, nuk mund të ketë arsim cilësor. Kemi përfaqësues nga të gjitha universitetet në vend”, theksoi ai.

LEXONI GJITHASHTU

• Sa paguhet një pedagog në Shqipëri dhe Kosovë?
• Pedagogët në protestë, nëse nuk rriten pagat s’nisim vitin akademik
• Pedagogia: Në shkollë të mesme të mësohet si përdoret Gjuha Shqipe