Pekini nxjerr tanket, ekonomia në krizë – ç’po ndodh në Kinë?

KOMENTE


SHPERNDAJE
ARTIKULLIN

Text sizeAa Aa

COVID-19 nuk është e vetmja arsyeje përse Kina po dëshmon lëkundjet më të forta qysh prej protestave më të egra anti-qeveritare në sheshin Tiananmen.

Tanket në rrugët kineze kanë nxitur frikën e përsëritjes së skenave të dhunshme të vitit 1989, kur qeveria kineze mposhti me dhunë protestat qytetare, duke lënë qindra të vrarë, përfshi dhjetëra studentë.

Këtë herë, masat anti-COVID janë kthyer në shkaktarët kryesorë të protestave masive në vend, edhe pse ato nuk janë të vetmet. Qysh prej gushtit, protestat kanë përfshirë Kinën, por jo për arsyeje të COVID-19, por për shkak të një fenomeni të njohur si ‘bank run’.

- Advertisement -

Foto e protestave te vitit 1898 ne Sheshin Tiananem, Kine.

‘Bank run’ është një fenomen i cili ndodh kur për shkak të frikës se p.sh. një valutë apo aksion do të humbasë vlerë, klientët drejtohen me shpejtësi drejt bankave apo bankomateve për të tërhequr paratë nga llogaria e tyre, duke bërë që shumë shpesh kursimet e tyre të bllokohen – kjo sepse një përqindje shumë e vogël e fondeve të poseiduara nga bankat janë para të thata, ndërsa pjesa më e madhe gjendet në formë likuide, si borxhet apo kreditë.

Por pse po ndodh ky fenomen në Kinë?

Qindra vetë u arrestuan në Kinë gjatë verës në përpjekje për të mposhtur protestat në skandalin bankar gjatë të cilit qindra mijëra depozitues kinezë humbën shumë nga kursimet e tyre.

Që nga prilli, katër bankat kryesore në një nga provincat më të mëdha kineze të Henanit kanë ngrirë depozita me vlerë miliona dollarë, duke shkaktuar panik tek mbi qindra mijëra klientë në një ekonomi tashmë të goditur nga bllokimet e Covid-19.

Depozituesit në këto banka ishin joshur me premtime për kthime vjetore deri në 18%.

Foto e protestuesve para bankave në Henan, Kinë

Ky fenomen është bërë gjithnjë e më i shpeshtë vitet e fundit dhe shumë institucione financiare në Kinë janë akuzuar për parregullsi dhe korrupsion.

Ekspertët gjithashtu shqetësohen se kjo mund të jetë vetëm një simptomë e një problemi shumë më të madh financiar, të shkaktuar nga kriza e kredive hipotekare dhe rritja e kredive të këqija në Kinë. Kjo pasi, shumë analistë mendojnë se bankierët kinezë po rrezikojnë të rikrijojnë flluskën e krizës financiare të vitit 2008 në Wall Street, SHBA, ku qindra mijëra amerikanëve me një historik jo të mirë financiar dhe rroga të ulëta, prej vitesh iu ishte dhënë kredi për të blerë shtëpi nga agjentë bankarë të cilët e dinin mirë se ata nuk do t’i përballonin dot shpenzimet.

Kjo krijoi flluskën që çoi në falimentimin e qindra institucioneve financiare në SHBA, të cilat sigurisht u shpëtuan më vonë nga shteti, edhe pse qindra mijëra qytetarë amerikanë i humbën përfundimisht shtëpitë e tyre.

Rreth një e katërta e totalit të aseteve në sistemin bankar kinez mbahen nga rreth 4,000 huadhënës të vegjël, të cilët shpesh kanë struktura jo transparente pronësie dhe qeverisjeje dhe janë më të prekshëm ndaj korrupsionit dhe ngadalësimit ekonomik.

Dhe përveç të gjithë kësaj, ekonomia kineze po përballet me masa të reja drakoniane nga frika e përhapjes së një tjetër vale të COVID-19, gjë që po shqetëson ekspertët ekonomik në të gjithë botën.

35 kompanitë më të mëdha që prodhojnë teste Covid-19 grumbulluan rreth 150 miliardë juanë (21 miliardë dollarë) të ardhura në gjysmën e parë të vitit 2022, duke krijuar një gjeneratë të re miliarderësh ‘pandemikë’.

Por jashtë kompleksit Covid-industrial të Kinës, ekonomia po vuan.

Bllokimet dhe kufizimet e rënda në lëvizje kanë penguar besimin e konsumatorëve dhe rritjen ekonomike.

Gjatë dy javëve të fundit ato kanë frymëzuar protesta në të gjithë vendin, me tensione që u përshkallëzuan gjatë fundjavës.

Të rinjtë kanë vazhduar protestat në rrugët e Shanghait dhe qyteteve të tjera, por censura e thellë e qeverisë kineze po e bën gjithnjë e më të pamundur të kuptohet situata reale me të cilën po përballen qytetarët kinezë.

LEXONI GJITHASHTU: 

 






LINI NJE KOMENT

Please enter your comment!
Please enter your name here


Etiketimet

Merrnin para nga farmacitë, kush janë zyrtarët e Agjencisë së Barnave të arrestuar

Besiana Xhelilaj përgjegjëse e Agjencisë së Barnave dhe Luan Çiçi, 35 vjeç, specialist i Agjencisë së Barnave u arrestuan ditën e sotme në kuadër...

I përfshirë në 8 vjedhje, arrestohet i mituri i ‘rrezikshëm’ në Vlorë

Një 16-vjeçar është arrestuar nga policia e Vlorës pasi rezulton i përfshirë në 8 vjedhje të kryera në qytet. 16-vjeçari akuzohet gjithashtu dhe për veprën...

Ambasadorja Yuri Kim mbërrin në Gjykatën Kushtetuese (FOTO)

Ambasadorja e SHBA, Yuri Kim ka shkuar në Gjykatën Kushtetuese. Kjo vizitë e kryediplomates amerikane vjen pas plotësimit të gjykatës me trupën e plotë të...

TË FUNDIT

Merrnin para nga farmacitë, kush janë zyrtarët e Agjencisë së Barnave të arrestuar

Besiana Xhelilaj përgjegjëse e Agjencisë së Barnave dhe Luan Çiçi, 35 vjeç, specialist i Agjencisë së Barnave u arrestuan ditën e sotme në kuadër...

I përfshirë në 8 vjedhje, arrestohet i mituri i ‘rrezikshëm’ në Vlorë

Një 16-vjeçar është arrestuar nga policia e Vlorës pasi rezulton i përfshirë në 8 vjedhje të kryera në qytet. 16-vjeçari akuzohet gjithashtu dhe për veprën...

Ambasadorja Yuri Kim mbërrin në Gjykatën Kushtetuese (FOTO)

Ambasadorja e SHBA, Yuri Kim ka shkuar në Gjykatën Kushtetuese. Kjo vizitë e kryediplomates amerikane vjen pas plotësimit të gjykatës me trupën e plotë të...

Berisha homazhe në nder të Isuf Kalos: Kishim miqësi të pa cenuar

Kreu i PD-së Sali Berisha paraditen e sotme ka zhvilluar homazhe për nder të Prof.Dr, Isuf Kalo tek Akademia e Shkencave. Në një deklaratë për...

Përjashtohet për 10 ditë nga Kuvendi Sali Berisha dhe 4 deputetë të PD-së

Përjashtohen me 10 ditë nga seancat plenare dhe komisionet parlamenare, deputetët Sali Berisha, Belind Këlliçi, Flamur Noka, Edmond Spaho dhe Edi Paloka. Vendimi 3 me...






Sondazh

A jeni dakord për rihapjen e basteve sportive sipas kushteve të reja online të qeverisë?
×