Pekini regjistroi shirat më të dendur në 140 vitet e fundit

Në ditët e fundit, në Pekin janë regjistruar shirat më të dendur në 140 vitet e fundit, duke shkaktuar vdekjen e të paktën 20 personave dhe zhdukjen e 27 të tjerëve.

Reshjet shkatërruan rrugët dhe çuan në ndërprerje të energjisë elektrike, dhe mijëra njerëz u evakuuan në strehimore në shkolla dhe ndërtesa të tjera publike në periferi të Pekinit dhe qytetet përreth, raporton AP.

Autoritetet kineze dislokuan sot mijëra ekipe shpëtimi në qytetin e përmbytur të Zhuozhou, në jugperëndim të Pekinit, ndërsa pjesë të tajfunit Doxuri vazhdojnë ta shkatërrojnë atë.

Zhuozhou ndodhet në provincën Hebei, e cila ishte më e prekura nga stuhia, ndaj është shpallur gjendja e jashtëzakonshme.

Më shumë se 500,000 njerëz u prekën nga përmbytjet, tha transmetuesi shtetëror CCTV, pa specifikuar se sa ishin evakuuar.

LEXONI GJITHASHTU:

• Stërvitje e përbashkët Rusi-Kinë në Detin e Japonisë: Pekini 3 qëllime strategjike
• Kinë: 11 të vdekur dhe dhjetëra të zhdukur nga përmbytjet