Penguan procesin e paqes në Liban, SHBA vendosin sanksione ndaj 9 personave

Departamenti i Thesarit i SHBA-së ka njoftuar sanksione ndaj nëntë personave nga Libani “për pengimin e procesit të paqes në Liban dhe pengimin e çarmatimit të Hezbollahut”.

“Hezbollah është një organizatë terroriste dhe duhet të çarmatoset plotësisht”, tha Sekretari i Thesarit, Scott Bessent, në një deklaratë.

“Thesari do të vazhdojë të ndërmarrë veprime kundër zyrtarëve që janë infiltruar në qeverinë libaneze dhe po i mundësojnë Hezbollahut të zhvillojë fushatën e tij të pakuptimtë të dhunës kundër popullit libanez dhe të pengojë paqen e qëndrueshme”, tha ai.

Në deklaratë shtohet se grupi libanez mbështetet në një rrjet përfaqësuesish politikë, përfshirë anëtarë të parlamentit, për të çuar përpara interesat e grupit dhe për të sfiduar “thirrjet legjitime të qeverisë që Hezbollahu të çarmatoset dhe të respektojë sovranitetin e shtetit”.