Pentagoni: Kemi nisur bisedimet me Ministrinë ruse të Mbrojtjes

Sekretari Amerikan i Mbrojtjes dhe ministri rus i Mbrojtjes kanë folur për herë të dytë në pak më shumë se dy javë.

Sipas mediave të huaja, lajmin e ka konfirmuar Pentagoni, sipas së cilit thirrja u iniciua nga Moska, me sekretarin amerikan të Mbrojtjes Lloyd Austin që thuhet se theksoi për homologun e tij rus rëndësinë e mbajtjes së linjave të hapura të komunikimit midis Kremlinit dhe Uashingtonit.

Zëdhënësja e Pentagonit, Sabrina Singh, nuk pranoi të jepte detaje të mëtejshme mbi thirrjen.

Ministria e Mbrojtjes e Rusisë tha se “është diskutuar çështja e parandalimit të kërcënimeve të sigurisë dhe zvogëlimit të rrezikut të përshkallëzimit të mundshëm”.

Telefonata e fundit midis zotit Austin dhe Andrei Belousov u zhvillua më 25 qershor, e cila në vetvete ishte telefonata e parë e këtij lloji që nga marsi 2023.

Ministria ruse e Mbrojtjes tha se Belousov e paralajmëroi Austin për rreziqet e furnizimeve të vazhdueshme të armëve të SHBA në Ukrainë, gjatë telefonatës së muajit të kaluar.

LEXONI GJITHASHTU:

• Pentagoni: Ukraina mund të hedhë raketa amerikane në Rusi, sa herë që sulmohet
• Pentagoni zotohet të vazhdojë transferimin e armëve në Ukrainë