Për 10 vite konsumoi heroinë, Marseli tregon se sa ka shpenzuar çdo ditë

Marseli është një i ri, i cili prej 10 vitesh ishte i varur nga heroina.

Për emisionin “Real People” në Euronews Albania, ai tregoi se gjatë kësaj periudhe, ka shpenzuar çdo ditë 20 mijë lekë për të blerë këtë lëndë narkotike.

Ndër të tjera, Marseli u shpreh se prej 5 muajsh nuk konsumon heroinë dhe nuk do që ta bëjë më diçka të tillë.

“Po llogarite, sikur 20 mijë lekë në ditë, e kam blerë unë atë. I thonë 600 mijë në muaj. Çfarë të bësh? Mendja, kjo është shoqëria e keqe. Pse thonë shokun duhet ta zgjedhësh më mirë se vetja sot? Shoqëria më ka çuar në këtë situatë. Po të mos pija heroinën, në radhë të parë do isha me familjen time, me fëmijët e mi, me gruan time.

Do kisha një mjet, do kisha një patentë. Unë kur e kujtoj, edhe kur shoh shokët e mi me overdozë me heroinë, më rrëqethet mishi, nuk ka shans ta provoj më, unë e kam lënë”, theksoi ai.

LEXONI GJITHASHTU

• Për 10 vite përdorues heroine, Marseli rrëfen për “Real People” momentet e vështira
• “Isha i dashuruar pas heroinës”, Marseli u jep mesazh ish-gruas dhe familjes së tij
• “S’na folën, u mërzitën”, Vjollca tregon si e pritën djemtë daljen e saj televizive