“From the river to the sea, Palestine will be free”, (Nga lumi në det, Palestina do jetë e lirë) ishte kjo shprehja që një 22-vjeçareje në Gjermani i kushtoi plot 600 euro.
Vendimi i gjobitjes erdhi nga një gjykatë në Berlin për thirrjen e sloganit “Nga lumi në det, Palestina do të jetë e lirë” disa ditë pas sulmeve të 7 tetorit.
Gjykata e Qarkut Tiergarten i dha gruas një gjobë prej 600 eurosh (655 dollarë) për “kryerjen e një vepre kriminale” duke përdorur frazën në një demonstratë në lagjen Neukolln në Berlin më 11 tetor.
Gjykatësi shpjegoi se përdorimi i sloganit kaq shpejt pas sulmeve të 7 tetorit përbënte në mënyrë efektive një miratim të sulmit dhe një mohim të së drejtës së Izraelit për të ekzistuar.
Slogani bën thirrje për krijimin e një shteti të lirë palestinez midis lumit Jordan dhe Detit Mesdhe. Policia gjermane ka kërkuar të godasë përdorimin e frazës, të cilën Izraeli e ka përshkruar si antisemite.
LEXONI GJITHASHTU:
- Fluks automjetesh në Berat, probleme edhe në akset kryesore të rrugës
- “Përfitoi miliona nga buxheti”- PD mocion për heqjen e mandatit të Vullnet Sinajt
