Perëndimi kritikon zgjedhjet ruse: Procesi u bazua tek censura, represioni dhe dhuna

Vendet e Perëndimit janë bërë bashkë në dënimin e zgjedhjeve presidenciale ruse, duke i cilësuar ato as të lira e as të ndershme.

“Këto zgjedhje nuk ishin të lira e të ndershme. Vëzhguesit e OSBE-së mungonin dhe ato u mbajtën nën një ambient të karakterizuar nga intimidimi”, deklaroi Përfaqësuesi i Lartë i BE-së, Josep Borrell.

Gjermania e Olaf Scholz e quajti procesin një “pseudo-zgjedhje”, i mbajtur nën kujdesin e një sundimtari autoritar që mbështetet tek censura, represioni dhe dhuna.

Ndërsa sekretari britanik i Punëve të Jashtme, David Cameron dënoi mbajtjen e zgjedhjeve në territoret e aneksuara të Ukrainës.

Edhe ministrat e Jashtëm të Letonisë dhe Lituanisë kritikuan procesin, duke theksuar se ai nuk ka asgjë të ngjashme me një proces zgjedhor.

Nga Kievi, presidenti Volodymyr Zelensky deklaroi se “diktatori rus simuloi një tjetër zgjedhje”.

Ndërkohë, nga Pekini, qeveria kineze ishte e vetmja që uroi Putin për 6 vitet e tjera në krye të Kremlinit.

LEXONI GJITHASHTU:

• Rusia: Ukraina na sulmoi me 35 dronë në ditën e fundit të zgjedhjeve
• Ministria e Brendshme ruse nis 61 çështje penale pas zgjedhjeve presidenciale