‘Përhap gënjeshtra në mbarë botën’, Biden kritikon Elon Musk

Presidenti amerikan Joe Biden kritikoi Twitter-in dhe Elon Musk, teksa nënvizoi se miliarderi bleu një platformë të rrjetit social me ndikim që “përhap gënjeshtra në mbarë botën”.

“Elon Musk kontrollon pajisjet që përhapin gënjeshtra në mbarë botën. Nuk ka më redaktorë në Amerikë,” tha Biden të premten gjatë një eventi për mbledhjen e fondeve demokrate në Rosemont, afër Çikagos, sipas CNN.

Deklarata e tij vjen pasi Twitter dje pushoi nga puna mijëra punëtorë, 50 për qind të fuqisë së tij punëtore, në një përpjekje për uljen e kostove që mund të ndryshojë mënyrën se si funksionon një nga platformat më me ndikim në botë.

Zëdhënësja e Shtëpisë së Bardhë, Karin Jean-Pierre, u tha gazetarëve se Biden “foli hapur për rëndësinë që platformat e mediave sociale të vazhdojnë të ndërmarrin hapa për të reduktuar gjuhën e urrejtjes dhe dezinformimin”.

LEXONI GJITHASHTU:

• Mot i keq në gjirin e Vlorës, s’lejohet lëvizja për anijet e vogla dhe të peshkimit
• Bota, 8 miliardë banorë, rritja më e madhe nga vendet në zhvillim
• Kryeministrja e Finlandës lirohet nga akuzat për sjellje të pahijshme