Përjashtimi i dy këshilltarëve në Durrës, reagon Flamur Noka: Bashkëpunuan me PS

Sekretari i Përgjithshëm i Partisë Demokratike, Flamur Noka ka reaguar përmes një postimi në “Facebook” lidhur me largimin e dy këshilltarëve të PD-së në Durrës. Noka thekson se largimi i tyre ka ardhur me kërkesë të Degës së PD Durrës, cila ka depozituar këtë kërkesë kohë më parë.

Më tej në reagim, Noka shton se Arlind Boshku është vërtetuar se ka punuar për Partinë Socialiste në zgjedhjet e 11 majit 2025. Sipas tij Dritan Burgija u largua gjithashtu pasi ai ka shfrytëzuar pozicionin e këshilltarit të PD për përfitime personale nga Bashkia dhe ka punuar për PS-në.

“Sqarim për opinionin public. Lidhur me dizinformimin e mediave të qeverisë për motivin e vendimit për largimin e dy këshilltarëve nga grupi i këshilltarëve të PD të Bashkisë Durrës, sqarojmë sa vijon:

Dy këshilltarët e grupit të PD në Bashkinë Durrës janë larguar nga grupi i këshilltarëve dhe strukturat e PD lokale me kërkesë të Degës së PD Durrës, cila ka depozituar këtë kërkesë kohë më parë.

Arlind Boshku është vërtetuar se ka punuar për Partinë Socialiste në zgjedhjet e 11 majit 2025, kurse Dritan Burgija ka shfrytëzuar pozicionin e këshilltarit të PD për përfitime personale nga Bashkia dhe po sipas relacionit të Degës së PD Durrës, ai ka punuar për PS. Çdo interpretim tjetër është trillium”, shkruan Noka.