Përkujtohen viktimat nga mafia, Papa dhe presidenti italian: Kundërshtoni aktivitetet mafioze, po përfitojnë nga Covidi

Italia ka vitin e 26 të përkujtimit të viktimave nga mafia. Kjo ditë është kujtuar jo vetëm nga presidenti Italian Mattarella por edhe nga Papa.

“Nuk do t’i harrojmë kurrë viktimat e pafajshme, shërbëtorët e shtetit, personat e lirë që nuk hoqën dorë nga vlerat e tyre edhe pse e dinin që po rrezikonin jetën e tyre,” u shpreh Mattarella në Twitter.

Sipas presidentit Italian përjashtimi i mafias është i mundur dhe shumë i nevojshëm. Aksioni i kundërshtimit fillon me refuzimin e asaj metode që mohon dinjitetin e njeriut, nga refuzimi për të bërë kompromis.

“Organizimet e llojit mafioz janë të pranishme në shumë pjesë të botës dhe ato po fitojnë para duke përfituar nga pandemia nëpërmjet korrupsionit . Këto struktura të mëkatit në kundërshtim me frymën e Krishtit ngatërrojnë fenë me idhujt e rremë. Le të kujtojmë sot të gjithë viktimat dhe të rinovojmë angazhimin tonë kundër të gjitha mafieve,” – tha Papa Françesku.

Krimi i organizuar në Itali, gjatë periudhës së pandemisë ka rritur edhe më shumë aktivitetet e tij, ashtu siç janë shtuar aktivitetet kundër mafias. Dhe mesa duket, pandemia e quajtur Mafia në çdo rast do të jetë më e gjatë sesa Covidi.