Perlat e ‘fshehura’ të Prishtinës, platforma për trashëgiminë kulturore të qytetit

Përveç vendeve e objekteve tashmë të njohura të Prishtinës, ky qytet ka edhe perla të fshehura të cilat turistët, e shpesh as vendasit, nuk i njohin.

Për këtë arsye, Muamer Hasani e Bekim Xhemili, të mbeshtetur nga Komuna e Prishtinës kane krijuar platformën ‘The Hidden Gems of Prishtina’.

“Sa i përket kafes që po shohim tani, do thoja që jo një i huaj, por një banor i Prishtinës ka nveojë që ta shohë. Është e jashtëzakonshme, është e ndërtar në vitin 1925, ka stil barok” u shpreh Hasani.

Një objekt tjetër është edhe një xhami ne pjesën e vjetër të qytetit, e cila sipas Hasanit shquhet për disa zbukurime e elemente jo-islamike brenda saj.

“Çfarë e bën të veçantë, është mbajtja e qirinjve që përdorej te hebrenjtë”, tha ai.

Ndersa, pika e tretë e vizituar ështe biblioteka Hivzi Sylejmani, e cila falë bienales Manifesta është rikthyer në funksion, pasi ka qenë e harruar.

Përveç këtyre tri objekteve, Prishtina ofron edhe pika të tjera interesante turistike të cilat së shpejti do të bëhen pjesë e kësaj platforme, duke perfshirë edhe ato që gjenden në periferi të qytetit.

LEXONI GJITHASHTU

• Dua Lipa merr titullin Ambasadore Nderi e Republikës së Kosovës
• Dua Lipa elektrizon Prishtinën, “Sunny Hill” thirrje për liberalizimin e vizave