Dy grupe të rinjsh në Vorë janë përfshirë në një konflikt pasditen e kësaj të marte.
Burime për Euronews Albania bëjnë me dije se gjatë konfliktit njëri prej këtyre personave ka nxjerrë armën dhe ka qëlluar në ajër.
Shkak i sherrit dyshohet se është bërë një borxh i mbartur. Nga të shtënat fatmirësisht nuk ka persona të plagosur.
Po ashtu mësohet se personat e përfshirë në konflikt nuk janë nga Vora. Si fillim kanë komunikuar në telefon dhe më pas kishin lënë një takim në Vorë për t’u sqaruar. Dyshohet se shtetasi që ndodhej në automjetin tip ‘BMW’ ka qëlluar me armë zjarri.
Ndërkohë Policia po punon për zbardhjen e plotë të rrethanave të ngjarjes dhe kapjen e autorëve.
Njoftimi i Policisë:
Tiranë/Informacion paraprak
Më datë 24.09.2024, rreth orës 17:40, në afërsi të rrethrrotullimit të Vorës, ka patur një konflikt mes shtetasve A. G., 25 vjeç, E. L., 39 vjeç, të cilët lëviznin me një mjet “Volkswagen Golf 5”, dhe shtetasit J. L., 31 vjeç, që lëvizte me një mjet tip “BMW”.
Gjatë konfliktit nga automjeti tip “BMW” dyshohet se është qëlluar një herë me armë zjarri në ajër. Nga e shtëna me armë zjarri nuk ka persona të dëmtuar.
Shërbimet e Policisë po punojnë për kapjen e shtetasit J. L., ndërsa grupi hetimor ndodhet në vendngjarje dhe po punon për sqarimin e rrethanave të ngjarjes.
LEXONI GJITHASHTU:
- Zëdhënësi i fushatës së Trump: Të shtëna me armë zjarri pranë ish-Presidentit
- Në kërkim për drogë e grabitje me armë, 2 të ekstraduar drejt Shqipërisë e Italisë
