Përmbyset anija në portin skocez, 25 të plagosur

Një zëdhënës i Shërbimit Skocez të Ambulancës njoftoi sot se 25 persona u plagosën pasi një anije e madhe në portin e Leith, pranë Edinburgut, u përmbys pjesërisht në një kënd prej 45 gradë mëngjesin e sotëm.

15 persona u pranuan në spital për trajtim, dhe 10 persona morën ndihmë, thuhet në deklaratë, sipas Reuters.

Disa makina zjarrfikëse shkuan në vendngjarje, si dhe mbështetje ajrore dhe tokësore nga Shërbimi i Ambulancës Skoceze, tha roja bregdetare.

Policia e Edinburgut njoftoi se shërbimet e urgjencës dhe oficerët e policisë ndodheshin në vendin e aksidentit, ku një anije u hodh nga hapësira e saj në kantier detar.

Policia ka kërkuar nga qytetarët që të shmangin zonën.

Anëtari i këshillit të qytetit të Edinburgut Adam McVie shkroi në rrjetet sociale se erërat e forta ishin shkaku i këtij aksidenti.