Përmbytjet në Pakistan, 54 të vdekur në 24 orët e fundit, mes tyre 18 fëmijë

Të paktën 54 persona kanë vdekur dhe gjashtë të tjerë janë plagosur nga përmbytjet e shkaktuara nga shirat e dendur në Pakistan.

Mediat e huaja, raportojnë se mes viktimave janë 18 fëmijë dhe 10 gra.

Provincat më të goditura janë  Sindh (në jug) dhe Balochistan (në jugperëndim).

Si pasojë e përmbytjeve, 4,453 shtëpi janë shkatërruar dhe 24,869 kafshë shtëpiake kanë humbur, bëjnë me dije autoritetet

Deri më tani janë regjistruar 1,481 viktima, 12,748 të lënduar, 1,755,281 shtëpi janë dëmtuar dhe 908,137 kafshë kanë ngordhur si pasojë e përmbytje që nga qershori.

Mbi gjysmë milioni njerëz (541,134) kanë mbetur të pastrehë dhe janë vendosur në kampe të përkohshme.

LEXONI GJITHASHTU: 

• SHBA: Rusia ka shpenzuar 300 mln dollarë për të ndikuar politikisht në mbi 24 shtete

• ‘Nga se keni frikë?’, Ukraina e zhgënjyer me Gjermaninë për furnizimin me armë
• Goditet grupi kriminal në Ibiza, arrestohen disa shqiptarë, sekuestrohen mijëra euro