Përpjekje për destabilizimin e Moldavisë? Reagon Moska

Moska ka kundërshtuar insinuatat për përpjekjen e supozuar të Rusisë për të ndërhyrë në punët e brendshme të Moldavisë dhe për të minuar situatën në këtë vend.

Ministria e Jashtme ruse i ka bërë thirrje Kishinaut zyrtar që të mos i nënshtrohet provokimeve dhe të udhëhiqet nga interesat e qytetarëve.

“Ne refuzojmë me vendosmëri insinuatat rreth dëshirës së pretenduar të Rusisë për të ‘minuar’ situatën në Moldavi. Ndryshe nga vendet perëndimore dhe Ukraina, ne nuk ndërhyjmë në punët e brendshme të Moldavisë dhe vendeve të tjera të botës. Rusia nuk përbën kërcënim për sigurinë të Moldavisë dhe mbron zhvillimin e një bashkëpunimi dypalësh reciprokisht të dobishëm dhe të barabartë”, thuhet në deklaratën e ministrisë, shkruan Ria Novosti.

Më parë presidentja e Moldavisë, Maja Sandu  tha se në atë vend po përgatitet një përpjekje për të ndryshuar rendin kushtetues dhe i bëri thirrje parlamentit që të forcojë legjislacionin e sigurisë.

Presidenti ukrainas, Volodymyr Zelensky, gjatë fjalimit të tij në Këshillin Evropian, njoftoi më parë se shërbimi i inteligjencës ukrainase kishte përgjuar gjoja “planin rus” për “shkatërrimin e rendit demokratik” në Moldavi dhe se pala ukrainase kishte paralajmëruar udhëheqjen moldave.

LEXONI GJITHASHTU

• SHBA-të thirrje qytetarëve amerikanë: Largohuni menjëherë nga Rusia
• Rusia kërcënon Moldavinë, Sandu: Kremlini, përpjekje për grusht ushtarak shteti