Përplasen dy autobusë në Afrikë, humbin jetën 40 persona, plagosen disa të tjerë

Të paktën 40 njerëz u vranë të dielën dhe shumë të tjerë u plagosën rëndë në një aksident që ndodhi në Senegalin qendror, sipas presidentit të vendit.

“Jam thellësisht i pikëlluar nga aksidenti tragjik rrugor i sotëm në Gniby, ku humbën jetën 40 persona dhe shumë u plagosën rëndë. I dërgoj ngushëllimet e mia të përzemërta familjeve të viktimave dhe i uroj të plagosurve shërim të shpejtë”, tha Presidenti Macky Sall në një postim në Tëitter.

Incidenti përfshiu dy autobusë që u përplasën me njëri-tjetri.

Kombi i Afrikës Perëndimore do të mbajë tre ditë zie kombëtare për viktimat, duke filluar nga 9 janari.

Deri më tani nuk dihen rrethanat e aksidentit.

LEXONI GJITHASHTU:

• Radhë kilometrike në pikën e kalimit kufitar të Kapshticës
• ‘Isha herët para selisë’, gazetari tregon gjithçka ndodhi më 8 janar në PD
• Al Nassr nuk mjaftohet me Ronaldon, në tratativa për transferimin e Hazard