‘Isha herët para selisë’, gazetari tregon gjithçka ndodhi më 8 janar në PD

Gazetari i Euronews Albania, Ardit Hoxha deklaroi se ishte në selinë e Partisë Demokratike në 8 janarin e vitit 2022, ku ndodhi edhe përplasja mes dy grupimeve.

Hoxha u shpreh se të dyja palët ishin përgatitur për skenarin më të keq.

Ai nënvizoi se skenari mund të ishte edhe më tragjik, por që fatmirësisht kjo u evitua me ndërhyrjen e policisë.

“Mëngjesin e këtij 8 janari kam qenë në selinë e  PD-së, duke qenë se raportoj dhe mbuloj zhvillimet e opozitës, por atmosfera ishte totalisht ndryshe dhe e pakrahasueshme me 8 janarin e 2022-shit, ku një vit më parë, gjithë oborri ishte mbushur me protestues, me makina. Brenda kishte demokratë, deri diku edhe të frikësuar se çfarë mund të ndodhte.

Përveç situatës që ishte krijuar, të paktën dy ditë para 8 janarit, sipas informacioneve që kishim nga dy grupimet, besoj se ka pasur shumë pak njerëz që nuk kanë besuar që nuk do të kishte dhunë. Disa nga organizatorët e protestës, por edh enjerëzit që ishin brenda, më 8 janar ishin përgatitur për skenarin më të keq, atë që ndodhi, por ndoshta edhe ndonjë skenar më tragjik. Për fat të mirë kjo u evitua nga ndërhyrja e policisë”, theksoi ai.

Sot mbushet një vit nga përplasja mes demokratëve në selinë e PD. Figura të njohura të Partisë Demokratike e kanë konsideruar si ditë të zezë për PD, 8 janarin e 2022, madje më të rëndë që ka ndodhur në një parti politike jo vetëm në Europë.

Tashmë, kjo situate është duke u hetuar nga SPAK ku nga burimet, bëhet e ditur se po hetohet edhe ish-kryeministri, Sali Berisha.

LEXONI GJITHASHTU

• ‘Amerikanët s’e duan Ramën’, Genc Burimi: Kanë si alternativë grupin e Bashës
• ‘8 janari ishte luftë mes demokratëve ’, debat mes Alban Dacit dhe Genc Burimit
• 3 skenarët për fatin e vulës së PD-së, si mund të ndryshojnë balancat