‘8 janari ishte luftë mes demokratëve ’, debat mes Alban Dacit dhe Genc Burimit

Analisti Alban Daci dhe gazetari Genc Burimi kanë debatuar në lidhje me përplasjen që pati mes dy grupeve në Partinë Demokratike, një vit më parë, në 8 janar të vitit 2022.

Në Euronews Albania, Daci u shpreh se ajo që ndodhi më 8 janar, ishte një luftë dhe jo sherr, që sipas tij, ishte përkufizimi i Burimit.

Sipas Burimit, ngjarje të tilla tanimë janë normale, teksa bëri dhe krahasimin e protestate dhunshme që jelek verdhët bëjnë në Francë.

Alban Daci: Duhet të kemi kujdes me termat. 8 janari ishte luftë, nuk ishte sherr.

Genc Burimi: Është mendimi juaj. I pe jelekverdhët në Francë? Unë jam gazetar, konstatoj.

Alban Daci: Ti po relativizon, nuk po analizon.

Genc Burimi: Nuk relativizoj, krahasoj.

Alban Daci: Nuk ka krahasim.

Genc Burimi: Je gazetar apo militant?

Alban Daci: Jam gazetar dhe jam më neutral se sa ju.

Sot mbushet një vit nga përplasja mes demokratëve në selinë e PD. Figura të njohura të Partisë Demokratike e kanë konsideruar si ditë të zezë për PD, 8 janarin e 2022, madje më të rëndë që ka ndodhur në një parti politike jo vetëm në Europë.

Tashmë, kjo situate është duke u hetuar nga SPAK ku nga burimet, bëhet e ditur se po hetohet edhe ish-kryeministri, Sali Berisha.

LEXONI GJITHASHTU

• 3 skenarët për fatin e vulës së PD-së, si mund të ndryshojnë balancat
• Pse grupi i Alibeajt është aksi që mban në këmbë PD
• Bumçi: 90% e strukturave të PD mbështesin Berishën, 10% fraksionin tjetër