Përplasja Hungari-Ukrainë, ministrat e Jashtëm zbusin tonet, por vetoja mbetet

Përplasja diplomatike disavjeçare mes Ukrainës dhe Hungarisë bëri një hap përpara drejt zgjidhjes gjatë takimit mes ministrave të Jashtëm të dy vendeve, edhe pse nuk u arrit ndonjë hap konkret sa i takon bllokadës që Hungaria i ka bërë ndihmës prej 50 miliardë eurosh që BE ka planifikuar për Kievin.

Paketa e ndihmave u bllokua nga kryeministri Viktor Orban, që vendosi veton në samitin e dhjetorit.

“Ndoshta nuk është një ekzagjerim dhe kolegët nuk e marrin si mungesë respekti nëse unë përdor fjalën “pritje” që anëtarët e komunitetit kombëtar hungarez të rifitojnë të drejtat e tyre që ekzistonin që në 2015-n”, tha Peter Szijjarto, ministër i Jashtëm i Hungarisë.

Ndërkohë, shtëpia në Kharkiv e familjes së ushtarit dhe atletit olimpik Dmytro Sharpar, i cili ndërroi jetë në Bakhmut, u dëmtua si pasojë e një bombardimi.

Ngjarja ndodhi një vit pasi familja mori lajmin e vdekjes së djalit të saj. Dmytro ishte një yll në ngjitje i atletikës ukrainase. Në 2016-n ai hyri në listën e 10 sportistëve më të mirë të rinj dhe kishte fituar medalje të shumta.

LEXONI GJITHASHTU:

• Aksidenti tragjik në Hungari, kush janë dy shqiptarët që ndërruan jetë
• Hungaria mund t’i vendosë veto Bullgarisë, nëse nuk i jep fund taksës për gazin rus