Përplasje mes komisionerëve të PS-së dhe PD-së në Libonik të Korçës, radhë të gjata në votime

Në Libonik të bashkisë Maliq janë shfaqur probleme në një qendër votimi, për shkak të debateve të komisionerëve të Partisë Socialiste dhe Partisë Demokratike. Ka rinisur procesi, ndërkohë që vërehet një numër i lartë i personave të grumbulluar duke mos respektuar masat anti-COVID. Policia është në monitorim të situatës.

Në Trestenik të bashkisë Devoll procesi nisi dy orë me vonesë dhe shkak është bërë mungesa e operatorit i cili bënte identifikimin e kartës së identitetit. Momentalisht procesi është duke vijuar në mënyrë manuale.

Ndërkaq, Në Pirg të bashkisë Maliq janë konstatuar probleme me dy aparaturat e identifikimit që janë zëvendësuar me një të tretë.

Në Vashtemi të Bashkisë Maliq një komisioner i PD-së ka pasur një konflikt verbal me një votues, i cili kërkonte të votonte familjarisht. Procesi është ndalur për 50 minuta.

LEXONI GJITHASHTU: 

• Memaliaj, përfaqësuesit e PS përplasen me vëzhguesit e PD e LSI jashtë qendrës së votimit
• Fotografoi votën, arrestohet 30-vjeçari në Tiranë
• “Një pjesë do gëzohen, të tjerët do mërziten”, flet ish-kryeministri Nano pas votimit